रानीगंज – रानीगंज रा श्री श्री सीताराम जी भवन में पश्चिम बंगाल मारवाड़ी महिला सम्मेलन रो भव्य पदग्रहण कार्यक्रम घणी धूमधाम स्यूं करायो गयो। आ मौके पर राष्ट्रीय सचिव बबीता बगड़िया नै राज्य अध्यक्ष रश्मि सतनालिका, प्रदेश सचिव रीना खेतान अर प्रदेश कोषाध्यक्ष वनिता केजरीवाल नै विधिवत शपथ दिलाई।
कार्यक्रम में विशिष्ट मेहमान रा रूप में राष्ट्रीय स्तर री व्यापारिक संस्था रा पदाधिकारी राजेंद्र प्रसाद खेतान, युवा उद्योगपति रविंद कुमार चौधरी, रानीगंज श्याम मंदिर रा ट्रस्टी पवन केजरीवाल अर सुप्रसिद्ध समाजसेवी ओमप्रकाश बाजोरिया रो सम्मान करायो गयो।
कार्यक्रम री खास बात ई रही के रानीगंज शहर री तीन समाजसेवी महिलावां नै पूरा पश्चिम बंगाल में अध्यक्ष, महासचिव अर कोषाध्यक्ष ज्या जिम्मेदार पद मिल्या, जिण सूं शहर में घणो गर्व रो माहौल देखण ने मिल्यो।
शपथ लेवा पाछै नव-नियुक्त अध्यक्ष रश्मि सतनालिका नै महिलावां रा विकास खातर खेलकूद, नेत्रदान अर रक्तदान ज्या सामाजिक कामां में भाग लेवा रो आह्वान कर्यो। उधर प्रदेश महासचिव रीना खेतान नै कयो के ई संस्था राष्ट्रीय स्तर री सै अर समाज सेवा में महिलावां मर्दां स्यूं घणी आगै बढ़ री सै।
आ मौके पर देश भर स्यूं आयी महिलावां री गरिमामयी उपस्थिति रही। कार्यक्रम में प्रमुख समाजसेविका स्वीटी लोहिया, अनीता पोद्दार, मंजू साथोलिया, वाणी खेतान, शिल्पा भालोटिया, रूबी गढ़वाला समेत सैकड़ां महिलावां शामिल रहीं।
कार्यक्रम रो मुख्य संदेश “संस्कार ही धरोहर” रह्यो, जेमां समाज में संस्कृति, परंपरा अर महिला सशक्तिकरण ने बढ़ावा देवां पर जोर दियो गयो। आखीर में सब मेहमानां अर सदस्यां नै मिलके संगठन नै अर मजबूत बनावां रो संकल्प लियो।
Reviewed by Marwari News
on
March 31, 2026
Rating:
No comments: